postumno

Nis ša zguoron po trokute pojest T aš san muora puoć zdolon pojest ZZ ma unisti me je htie ubit z veturon pak san komoć uša po une magle i san ša va Čahuro puli Juršići i san jie biškotini i pi kafe i uniput san se komoć leva kad san fini triepet i san ša spat i me je zbudila zajno rano aš da će prit čovik za letriko i pak san bi mučan aš ni bilo dosti une kaolinske zemlji za delat škagac i san pensa će li mi ordenje puoć svraguon aš je grdo hitalo iskri a nis neanke ponesa četkici za gambiat i te vraižnje šunjarije san takeva i rastakeva semo i tamo kako mi je ordinevala i jušto naprof mi je jeno par puti Klara Zetkin nažgala pipo i san muora popit jeno malico une marsali aš una da ne zna ma da bi rada mane vadila i pak je priša Karl Marx črn kako črna zemlja i zaino san ga ćepa da popijemo još kakovo biro a una je takala gambarat po sveh četireh nan kole nuoh spod stola i na se kraji i san zahita de žbrišo une škulji i san uša i pensa o miljar tega i o Zane i o Črne i o njie i da kako se je forcala da ne zajebava Marxa preveć i kako jo ćapeva strah i se uno zač me pieža i zač mi nažge pipo i kako so se njih dva rivali juštat i durat i sega vraga i da kako so pravi va unen Kauflande i kako san pasa lišo i nis neanke strupa unega minjega a ni mi priša va dobar hip i bi trieba une minje kupit zaino vero aš bi bi najeba snuoća da me ni fermala i sada san se zbudi i grien naložit i delat samo da ponesen uno kandriego ča mi je narivala va veturo i spravin se uno da mi se ne kisa tamo zad. I cavati san pušti tamo i liviel. I bih muora takat punit aku. A ben, je nedjelja, ćemo rivat.

Slomit ću mozgiće na atomske milimetriće ćitajući ovo:-))))

Ben ben..sega va toj glave..Oš di kaj??

Kakuovo katrigo rabiš za veturo?

a gliej, čaš da ti rečen, tako je i ne more bit drugajče a za defragmentacijo ćemo pensat kakuov drugi dan ;)

@četrtakodđueli - jeno velo za se koliembat semo i tamo mi je zarivala uzad da ku bih je moga pones va Sesveti kad grien zazguoron aš je ziela novi nameštaj za va Pulo

...a zgodnjikavih li diftongova... :)